Protest march organized to Koppal demanding drought-affected status

…ಭಾನುವಾರ ಸಭೆ ನಡೆಸಿ, ಕುಷ್ಟಗಿಯನ್ನು ಬರಪೀಡಿತ ತಾಲ್ಲೂಕುಗಳ ಪಟ್ಟಿಗೆ ಸೇರಿಸದ ರಾಜ್ಯ ಸರ್ಕಾರದ ನಡೆ ವಿರುದ್ಧ ಸೋಮವಾರ (ಸೆ.21) ಕೊಪ್ಪಳದವರೆಗೂ ಪಾದಯಾತ್ರೆ ನಡೆಸುವ ನಿರ್ಧಾರ ಕೈಗೊಂಡರು. .ಮುಖಂಡ ಹಾಗೂ ಸಭೆಯ ನೇತೃತ್ವ ವಹಿಸಿದ್ದ ಅರುಣಕುಮಾರ ನಾಲತವಾಡ ಮಾತನಾಡಿ,‘ ಮಳೆ ಕೊರತೆಯಿಂದ ತತ್ತರಿಸಿರುವ ಕುಷ್ಟಗಿ ತಾಲ್ಲೂಕನ್ನು ರಾಜ್ಯ ಸರ್ಕಾರ ಬರಪೀಡಿತ ಪ್ರದೇಶ ಎಂದು ಘೋಷಣೆ ಮಾಡಿಲ್ಲ. ಇದರಿಂದ ಕೃಷಿ ಕುಟುಂಬಗಳು ನಷ್ಟ ಅನುಭವಿಸುವಂತಾಗಿದೆ. ಜಮೀನಿನಲ್ಲಿ ಬೆಳೆಗಳು ಒಣಗಿ ನಿಂತಿವೆ. ರೈತರು ಸಾಲ ಮಾಡಿ ಕುಟುಂಬ ನಿರ್ವಹಣೆ ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ ’ ಎಂದರು. .‘ರಾಜ್ಯ ಸರ್ಕಾರ ಮಲತಾಯಿ ಧೋರಣೆ ತೋರುತ್ತಿದೆ. ಸರ್ಕಾರದ ಈ ನಡೆ ಖಂಡಿಸಿ ಸೋಮವಾರ (ಸೆ.21) ತಾವರಗೇರಾದಿಂದ ಕೊಪ್ಪಳಕ್ಕೆ ಪಾದಯಾತ್ರೆ ಹಮ್ಮಿಕೊಳ್ಳ ಲಾಗಿದೆ. ತಾಲ್ಲೂಕಿನ ರೈತರು, ಜನಪ್ರತಿನಿಧಿಗಳು, ವಿವಿಧ ಪಕ್ಷಗಳ ಕಾರ್ಯಕರ್ತರು, ರೈತ ಸಂಘದ ಪದಾಧಿಕಾರಿಗಳು,…

…ರೈತರು, ಜನಪ್ರತಿನಿಧಿಗಳು, ವಿವಿಧ ಪಕ್ಷಗಳ ಕಾರ್ಯಕರ್ತರು, ರೈತ ಸಂಘದ ಪದಾಧಿಕಾರಿಗಳು, ಸಾರ್ವಜನಿಕರು ಸಹಕಾರ ನೀಡಲಿದ್ದಾರೆ. ತಾಲ್ಲೂಕು ಸೇರ್ಪಡೆ ಮಾಡುವವರೆಗೂ ಹೋರಾಟ ಕೈಬಿಡುವುದಿಲ್ಲ’ ಎಂದು ಹೇಳಿದರು. .ಕನ್ನಡಪರ ಸಂಘಟನೆ ಸದಸ್ಯ ನಾರಾಯಣಸಿಂಗ್ ಗುಡಸಲಿ ಮಾತನಾಡಿ,‘ ಒಣ ಪ್ರದೇಶ ಹೊಂದಿರುವ ನಮ್ಮ ತಾಲ್ಲೂಕು ಕೈಬಿಡುವ ಮೂಲಕ ಸರ್ಕಾರ ಅನ್ಯಾಯ ಮಾಡಿದೆ. ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿಯವರ ನಡೆ ಅಸಮಾಧಾನ ತಂದಿದೆ. ತಾಲ್ಲೂಕಿನ ರೈತರು, ಸಾರ್ವಜನಿಕರು ಪಾದಯಾತ್ರೆಯ ಮೂಲಕ ಸರ್ಕಾರಕ್ಕೆ ಎಚ್ಚರಿಕೆ ನೀಡುತ್ತೇವೆ ’ ಎಂದರು. .ಮುಖಂಡರಾದ ಸಾಗರ ಬೇರಿ, ದೇವರಾಜ ಹಜಾಳದಾರ ಮಾತನಾಡಿ,‘ಸೋಮವಾರ ಬೆಳಿಗ್ಗೆ 10 ಗಂಟೆಗೆ ಮುದಗಲ್ ರಸ್ತೆಯ ಸಂವಿಧಾನ ಶಿಲ್ಪಿ ಡಾ.ಬಿ.ಆರ್.ಅಂಬೇಡ್ಕರ್ ವೃತ್ತದಿಂದ ಪಾದಯಾತ್ರೆ ಆರಂಭಿಸಲಾಗುವುದು. ಹಿರೇಮನ್ನಾಪೂರದ ಮೂಲಕ ಕುಷ್ಟಗಿ ತಲುಪಿ, ಅಲ್ಲಿ ತಹಶೀಲ್ದಾರ್…