Inscription from the Goa Kadamba period found in Itagi village

…ಗೋವಾ ಕದಂಬರ ಕಾಲದ ಶಾಸನ ಪತ್ತೆಯಾಗಿದೆ ಎಂದು ಇಟಗಿ ಗ್ರಾಮದ ಇತಿಹಾಸ ಸಂಶೋಧಕ ಬಾಹುಬಲಿ ಹಂದೂರ ಹೇಳಿದರು. .ಸೋಮವಾರ ಇಟಗಿಯ ಕಮಲನಾರಾಯಣ ದೇವಾಲಯದ ಪ್ರಾಚೀನ ಕಲ್ಲುಗಳ ಪೈಕಿ ಒಂದು ಕಲ್ಲಿನ ತುಂಡಿನಲ್ಲಿ ಅದರ ಮೇಲೆ ಪತ್ತೆಯಾದ ಶಾಸನವನ್ನು ಪರಿಶೀಲಿಸಿ ಮಾತನಾಡಿದ ಅವರು, ‘ ಪತ್ತೆಯಾದ ಶಿಲಾ ಶಾಸನದಲ್ಲಿ 56 ಸಾಲುಗಳಿವೆ. ಮೇಲಿನ ಭಾಗವು ಒಡೆದಿದೆ. ಶಾಸನದ ಕೆಳಭಾಗ ಮಾತ್ರ ಸಿಕ್ಕಿದೆ. ಇದರಲ್ಲಿ 21 ಸಾಲುಗಳಿವೆ. ಇದು ಕ್ರಿ.ಶ 1062ರಲ್ಲಿ ಈ ಭಾಗವನ್ನಾಳಿದ ಗೋವಾ ಕದಂಬರ ದೊರೆ ಜಯಕೇಶಿಯ ಕಾಲದ್ದಾಗಿದ್ದು, ಶಾಸನ ಹಳಗನ್ನಡದಲ್ಲಿದೆ ’ ಎಂದರು. .‘ಇಟಗಿಯು ಕಲಗಿರಿ ಕಂಪಣದಲ್ಲಿರುವ ಒಂದು ಅಗ್ರಹಾರವಾಗಿತ್ತು. ಇದನ್ನು ಇಟ್ಟಿಗೆ, ಇಷ್ಟಿಗೆ ಎಂದು ಶಾಸನದಲ್ಲಿ ಕರೆಯಲಾಗಿದೆ. ಶಾಸನವನ್ನು ಅಧ್ಯಯನ ಮಾಡಲು ಸಮಯ ಬೇಕಾಗಿದೆ. ಅಧ್ಯಯನದ ಬಳಿಕವಷ್ಟೇ ಹೆಚ್ಚಿನ ವಿವರ ತಿಳಿಯಲು ಅನುಕೂಲ ಆಗಲಿದೆ’ ಎಂದರು. .ಇಟಗಿಯ…