Why doctors sometimes ask patients about their caste before surgery

…தளர்வு மருந்தின் தாக்கம் எதிர்பார்த்ததை விட பல மணி நேரங்கள் நீடிக்கக்கூடும் என்பதே இதற்குக் காரணம். பெங்களூரு ஹோஸ்மத் மருத்துவமனையில் பணிபுரியும் மயக்கவியல் நிபுணர் டாக்டர் சந்தோஷ் சிப்ரே, பிபிசியிடம் பேசுகையில், " அறுவை சிகிச்சைக்கு முன் வழங்கப்படும் மயக்க மருந்துகளில் ஒன்றான ஸ்கோலின், நோயாளியை சிறிது நேரம் மூச்சு விடாமல் இருக்கச் செய்யும். அந்த நேரத்தில் சுவாசக் குழாய் செலுத்தப்படும். வழக்கமாக பத்து நிமிடங்களுக்குள் நோயாளி மீண்டும் தானாக மூச்சுவிடத் தொடங்கிவிடுவார். ஆனால் சூடோகோலினெஸ்டரேஸ் குறைபாடு உள்ளவர்களுக்கு அது பல மணி நேரங்களுக்குப் பிறகுதான் நிகழலாம் ," என்றார். அவர் மேலும் கூறுகையில், "ஸ்கோலின் கொடுத்தால் உயிருக்கு நேரடி ஆபத்து ஏற்படாது. ஆனால் நோயாளி மீண்டும் தானாக மூச்சுவிடும் வரை வெண்டிலேட்டரில் வைத்திருக்க வேண்டி வரும். அவர்களை உடனடியாக மீண்டும் மூச்சுவிடச்…

…குறைபாடு இருக்கலாம் என்று சந்தேகித்தோம். அவர் சுமார் ஆறு மணி நேரம் வெண்டிலேட்டர் ஆதரவுடன் இருந்தார். அதன் பிறகே மீண்டும் தானாக மூச்சுவிடத் தொடங்கினார்," என்றார். இந்த அறுவை சிகிச்சையை செய்த மருத்துவர் ராஜா மகேந்திரன், " நோயாளியிடம் அவர் எந்த சமூகத்தைச் சேர்ந்தவர் என்று கேட்பதில் சில நேரங்களில் சங்கடம் இருக்கும். ஆனால் அது தெரியாமல் ஸ்கோலின் கொடுத்தால், சிறிய அறுவை சிகிச்சைக்குப் பிறகும் நோயாளி நீண்ட நேரம் வெண்டிலேட்டர் உதவியில் இருக்க நேரிடலாம். அப்போது ஏன் கூடுதல் சிகிச்சை தேவைப்படுகிறது என்று குடும்பத்தினர் குழப்பமடைவார்கள்; தேவையற்ற மருத்துவச் செலவும் ஏற்படும். அதனால்தான் மயக்க மருந்தைத் தேர்வு செய்வதற்கு முன் இந்த விவரத்தையும் உறுதிப்படுத்திக் கொள்கிறோம்,"…