Monsoon Failure Leaves Leased Land Farmers in Distress

…₹40 ಸಾವಿರ ಲಾವಣಿ ನೀಡಿ ಉಳುಮೆ ಮಾಡಿದ್ದಾರೆ. ಹೊಲದಲ್ಲಿ ನಾಟಿ ಮಾಡಿದ್ದ ಮೆಣಸಿನಕಾಯಿ ಬೆಳೆ ತೇವಾಂಶವಿಲ್ಲದೆ ಒಣಗುತ್ತಿರುವುದನ್ನು ಕಂಡು ಕಂಗಾಲಾಗಿರುವ ಅವರು, ಬೆಳೆ ಉಳಿಸಿಕೊಳ್ಳಲು ಹರಸಾಹಸ ಪಡುತ್ತಿದ್ದಾರೆ. .ಈ ಕುರಿತು ‘ಪ್ರಜಾವಾಣಿಗೆ’ ಮಾತನಾಡಿದ ದೇವೇಂದ್ರಪ್ಪ, ‘ ಏನ್ ಮಾಡಬೇಕು ಸಾಹೇಬ್ರ, ಲಾವಣಿ ಕೊಟ್ಟು ಹೊಲ ಮಾಡಿದ್ದೀವಿ. ಆದರೆ, ಮಳೆ ಕೈಕೊಟ್ಟಿದೆ. ಸಂಶಿ ಗ್ರಾಮದಿಂದ ಟ್ಯಾಂಕರ್ ಮೂಲಕ ನೀರು ತಂದು ಬೆಳೆ ರಕ್ಷಿಸಿಕೊಳ್ಳುತ್ತಿದ್ದೇವೆ. ಎಕರೆಗೆ 10ರಿಂದ 15 ಟ್ಯಾಂಕರ್ ನೀರು ಹಾಕಿ ಮೆಣಸಿನಕಾಯಿ ಕಾಪಾಡಿಕೊಳ್ಳುತ್ತಿದ್ದೇನೆ. ದೇವರ ಮೇಲೆ ಭಾರ ಹಾಕಿ ವಿಶ್ವಾಸದಿಂದ ಮುಂದುವರಿದಿದ್ದೇವೆ. ದೇವರು ಕಣ್ಣು ತೆರೆದರೆ ಮಾತ್ರ ನಮ್ಮ ಬದುಕು ಹಸನಾಗಲಿದೆ ’ ಎಂದು ಅಳಲು ತೋಡಿಕೊಂಡರು. .ಸಾಂಪ್ರದಾಯಿಕ ರೈತರಂತೆ ಲಾವಣಿ ಮಾಡಿಕೊಂಡು ಕೃಷಿ ಮಾಡುತ್ತಿರುವ ಕೂಲಿ ಕಾರ್ಮಿಕರಿಗೆ ಸರ್ಕಾರದಿಂದ ನೇರ ಪರಿಹಾರ ಅಥವಾ ಸಹಾಯಧನ ಸಿಗುವುದು ಕಷ್ಟಕರವಾಗಿದೆ. ಮಳೆ ಕೈಹಿಡಿದರೆ ಮಾತ್ರ ಬದುಕಿನ ಬಂಡಿ ಸಾಗುವ ಹಂತದಲ್ಲಿರುವ ಈ ಬಡ ಕಾರ್ಮಿಕರಿಗೆ…