Farmers attempt to lock Deputy Commissioner's office in protest

…35 ಕೆರೆಗಳು ತುಂಬುತವೆ. ಜಿಲ್ಲೆಯಲ್ಲಿ ರಸ್ತೆ, ಚರಂಡಿ ಮಾಡುವುದು ಬಿಟ್ಟು ಮೊದಲು ರೈತರ ಬೆಳೆಗಳಿಗೆ ನೀರು ಕೊಡುವುದನ್ನು ಮಾಡಿ’ ಎಂದು ರೈತ ಮುಖಂಡರೊಬ್ಬರು ಮನವಿ ಮಾಡಿದರು. .ಎಸ್ಪಿ ಪೃಥ್ವಿಕ್ ಶಂಕರ್ ಅವರೊಂದಿಗೆ ಸ್ಥಳಕ್ಕೆ ಬಂದ ಜಿಲ್ಲಾಧಿಕಾರಿ ರಾಹುಲ್ ಪಾಂಡ್ವೆ, ‘ 2 ಟಿಎಂಸಿ ಅಡಿ ಸಾಮರ್ಥ್ಯದ ಸನ್ನತಿ ಬ್ಯಾರೇಜ್ನಲ್ಲಿ ಪ್ರಸ್ತುತ 1.4 ಟಿಎಂಸಿ ಅಡಿ ನೀರಿನ ಲಭ್ಯತೆ ಇದೆ. ಯಾದಗಿರಿ ಬ್ಯಾರೇಜ್ನಲ್ಲಿ ಸ್ವಲ್ಪವೇ ನೀರಿದೆ. ಯಾದಗಿರಿ, ಶಹಾಪುರ ನಗರಗಳು, ಗುರುಮಠಕಲ್ ಪಟ್ಟಣ ಸೇರಿದಂತೆ 36 ಹಳ್ಳಿಗಳಿಗೆ ಕುಡಿಯುವ ನೀರು ಸನ್ನತಿ ಬ್ಯಾರೇಜ್ನಿಂದ ಪೂರೈಕೆ ಮಾಡಬೇಕು. ಜಿಲ್ಲೆಯ ಶೇ 35ರಷ್ಟು ಕುಡಿಯುವ ನೀರು ಸನ್ನತಿ ಬ್ಯಾರೇಜ್ ಅವಲಂಭಿಸಿದೆ. ಈ ವರ್ಷ ತೀವ್ರ ಬರ ಇರುವುದರಿಂದ ಜುಲೈ ಅಂತ್ಯದ ವರೆಗೆ ಕುಡಿಯುವ ನೀರು ಪೂರೈಕೆ ಮಾಡಬೇಕಾಗಿದೆ ’ ಎಂದರು. .‘ಸನ್ನತಿ ಬ್ಯಾರೇಜ್ನಲ್ಲಿ 0.5 ಟಿಎಂಸಿ ಅಡಿ ಡೆಡ್ ಸ್ಟೋರೆಜ್, ಶೇ 10ರಷ್ಟು ಸೋರಿಕೆ ನಷ್ಟವಾಗುತ್ತದೆ. ನಾರಾಯಣಪುರ ಜಲಾಶಯದಿಂದ ಸನ್ನತಿ ಬ್ಯಾರೇಜ್ಗೆ 1 ಟಿಎಂಸಿ ಅಡಿ ನೀರು ಹರಿಸಿದರೆ 200 ಕಿ.ಮೀ.ಗೂ ಹೆಚ್ಚು ದೂರಾಗುತ್ತದೆ. ನೀರು ಹರಿಸಿದರೂ ಬ್ಯಾರೇಜ್ಗೆ…