Rahul Gandhi writes to Madhya Pradesh Chief Minister over OBC reservation

…അടിയന്തരമായി നിയമന ഉത്തരവ് നൽകണമെന്നും ആവശ്യപ്പെട്ട് മധ്യപ്രദേശ് മുഖ്യമന്ത്രി മോഹൻ യാദവിന് ലോക്സഭാ പ്രതിപക്ഷ നേതാവ് രാഹുൽ ഗാന്ധിയുടെ കത്ത്. സെപ്റ്റംബർ 22-ന് അയച്ച കത്ത് അദ്ദേഹം സമൂഹമാധ്യമങ്ങളിൽ പരസ്യപ്പെടുത്തി. കഴിഞ്ഞദിവസം ഇൻഡോറിൽ നടന്ന 'സ്റ്റുഡന്റ്സ് വോയ്സ്' പരിപാടിയിൽ പങ്കെടുത്ത നൂറുകണക്കിന് ഉദ്യോഗാർത്ഥികൾ തങ്ങളുടെ അനിശ്ചിതത്വത്തെക്കുറിച്ചും തടഞ്ഞുവെച്ച നിയമനങ്ങളെക്കുറിച്ചും നേരിട്ട് പരാതിപ്പെട്ടതിന് പിന്നാലെയാണ് രാഹുൽ ഗാന്ധി വിഷയത്തിൽ ഇടപെട്ടത്. സംസ്ഥാന സർക്കാരിന്റെ '87:13' ഫോർമുല കാരണം പരീക്ഷ ജയിച്ച് എല്ലാ തെരഞ്ഞെടുപ്പ് പ്രക്രിയകളും പൂർത്തിയാക്കിയിട്ടും ഒ.ബി.സി സംവരണത്തിലുള്ള 13 ശതമാനം തസ്തികകളിലെ നിയമനങ്ങൾ വർഷങ്ങളായി തടഞ്ഞുവെച്ചിരിക്കുകയാണെന്ന് രാഹുൽ ഗാന്ധി…

…കണ്ണീരോടെ സംസാരിച്ച പെൺകുട്ടിയുടെ അനുഭവവും അദ്ദേഹം ഓർമിപ്പിച്ചു. അതേസമയം, വിദ്യാഭ്യാസവും യുവാക്കളുടെ ഭാവിയുമായി ബന്ധപ്പെട്ട വിഷയങ്ങൾ വസ്തുതകളുടെ അടിസ്ഥാനത്തിൽ ചർച്ച ചെയ്യണമെന്ന് മുഖ്യമന്ത്രി മോഹൻ യാദവ് പ്രതികരിച്ചു. 2019-ൽ കമൽനാഥ് സർക്കാരാണ് 27 ശതമാനം ഒ.ബി.സി സംവരണം കൊണ്ടുവന്നത്. ഇത് കോടതി നിഷ്കർഷിച്ച 50 ശതമാനം സംവരണ പരിധി ലംഘിച്ചതിനെ തുടർന്ന് കോടതിയിൽ ചോദ്യം ചെയ്യപ്പെടുകയായിരുന്നു. തുടർന്നാണ് കേസിൽ ഹൈക്കോടതിയുടെ അന്തിമ വിധി വരുന്നത് വരെ 87 ശതമാനം തസ്തികകളിൽ സ്ഥിരനിയമനം നടത്താനും തർക്കത്തിലുള്ള 13 ശതമാനം തസ്തികകൾ തടഞ്ഞുവെക്കാനും സർക്കാർ '87:13' ഫോർമുല ആവിഷ്കരിച്ചത്. എന്നാൽ യോഗ്യത നേടിയ…