Seema Kumari wins bronze in Japan as mother watches on television

…എവിടെ പോയാലും അവർ വേഗം തിരിച്ചെത്തണം. ബംഗളൂരുവിൽ പരിശീലനത്തിന് പോയാലും ഹിമാചലിലെ വീട്ടിൽ ആ അമ്മമനസ്സ് തളർന്നിരിക്കും. അതുകൊണ്ടുതന്നെ ഏഷ്യൻ ഗെയിംസിൽ പങ്കെടുക്കുന്നതൊന്നും അറിയിക്കാതെയാണ് സീമ ജപ്പാനിലേക്ക് പറന്നത്. ‘ അമ്മയുടെ 45ാം വയസ്സിലാണ് എന്റെ ജനനം. 12 ആകുമ്പോഴേക്കും അച്ഛൻ മരിച്ചു. ഞാൻ വീടുവിട്ട് എവിടെ പോകുമ്പോഴും അമ്മക്ക് ടെൻഷനാവും. വീട്ടിൽ തിരിച്ചെത്തിയില്ലെങ്കിൽ ഉറക്കം പോലുമുണ്ടാവില്ല. രക്തസമ്മർദം ഉൾപ്പെടെ പ്രയാസങ്ങളുണ്ട്. പലപ്പോഴും പരിശീലനത്തിന് പോകുന്നതൊന്നും പറയാറില്ല. എല്ലാം പങ്കുവെക്കുന്നത് മൂത്ത ചേച്ചിയോടാണ്. ഏഷ്യൻ ഗെയിംസിന് വന്നപ്പോഴും ഞാൻ ബംഗളൂരുവിലാണെന്നായിരുന്നു അമ്മ കരുതിയത്. മത്സരത്തിനുമുമ്പ് ചേച്ചിയാണ് ജപ്പാനിലേക്ക് പോയ കാര്യം പറഞ്ഞത്. ഞാൻ മത്സരിക്കാനിറങ്ങിയപ്പോൾ അമ്മയും സഹോദരിമാർക്കൊപ്പം ടി.വിയിൽ കാണാനിരുന്നു. എന്റെ വളർച്ചയിൽ അമ്മയുടെയും സഹോദരിമാരുടെയും അധ്വാനവുമുണ്ട് ’ -ഏഷ്യൻ ഗെയിംസ് ചരിത്രത്തിലെ ഇന്ത്യയുടെ മൂന്നാം മെഡൽ നേട്ടത്തിനുപിന്നാലെ സീമ പറഞ്ഞു. പതിനായിരം മീറ്റർ വനിതകളിൽ 16 വർഷത്തിനുശേഷം ലഭിച്ച വെങ്കലത്തിന് സ്വർണത്തോളം തിളക്കമുണ്ട്. പ്രീജാ ശ്രീധരനും കവിതാ റാവത്തും 2010…