Bhairappagowda's fight for independence is memorable, says MLA B.R. Patil

…ಆಳಂದ: ‘ ಕಲ್ಯಾಣ ಕರ್ನಾಟಕ ಭಾಗದ ಸ್ವಾತಂತ್ರ್ಯಕ್ಕಾಗಿ ನಿಜಾಮಶಾಹಿ ಆಡಳಿತದ ವಿರುದ್ಧ ಗೆರಿಲ್ಲಾ ಮಾದರಿ ಹೋರಾಟ ನಡೆಸಿದ ಭೂಸನೂರಿನ ಭೈರಪ್ಪಗೌಡರ ಸಶಸ್ತ್ರ ಹೋರಾಟವು ಸದಾ ಸ್ಮರಣೀಯವಾದದು ’ ಎಂದು ಶಾಸಕ ಬಿ.ಆರ್.ಪಾಟೀಲ ತಿಳಿಸಿದರು. .ತಾಲ್ಲೂಕಿನ ಭೂಸನೂರು ಗ್ರಾಮದ ನೀಲಾಂಬಿಕಾ ಕಲ್ಯಾಣ ಮಂಟಪದಲ್ಲಿ ಜರುಗಿದ ಧೈರ್ಯವೀರ ಭೈರಪ್ಪಗೌಡ ಪಾಟೀಲರ ಮೂರ್ತಿ ಅನಾವರಣ ಸಮಾರಂಭದಲ್ಲಿ ಮಾತನಾಡಿದರು. .‘ಗಡಿಭಾಗದಲ್ಲಿ ರಜಾಕಾರರ ದೌರ್ಜನ್ಯ, ದಬ್ಬಾಳಿಕೆ ಹೆಚ್ಚಿದ ಮೇಲೆ…

…ಭೈರಪ್ಪಗೌಡ ಮುಂತಾದ ನಾಯಕರು ಶಿಬಿರಗಳು ತೆರೆದರು. ಇದರಿಂದ ರಜಾಕಾರರಿಗೆ ಜನರ ಪ್ರತಿರೋಧ ತೀವ್ರಗೊಂಡಿತ್ತು. ಭೈರಪ್ಪಗೌಡರ ಕುರಿತು ಪುಸ್ತಕರೂಪದಲ್ಲಿ ಚರಿತ್ರೆ ದಾಖಲಿಸುವ ಪ್ರಯತ್ನ ಆಗಬೇಕಿದೆ’ ಎಂದು ಹೇಳಿದರು. .ಮಾಜಿ ಶಾಸಕ ಸುಭಾಷ ಗುತ್ತೇದಾರ ಮಾತನಾಡಿ, ‘ ನಮ್ಮ ಯುವಕರೂ ಈ ಭಾಗದ ಸ್ವತಂತ್ರ ಹೋರಾಟಗಾರ ತ್ಯಾಗ, ಬಲಿದಾನಗಳಿಂದ ಸ್ಫೂರ್ತಿ ಪಡೆದುಕೊಳ್ಳಬೇಕಿದೆ. ಭೈರಪ್ಪಗೌಡ ಅವರ ಧೈರ್ಯ, ಸಾಹಸದ ಕತೆಗಳು ಇಂದಿಗೂ ಜನಮಾನಸದಲ್ಲಿ ಇವೆ ’ ಎಂದು ನುಡಿದರು. .ಚಿನ್ಮಯಗಿರಿಯ ವೀರಮಹಾಂತ ಸ್ವಾಮೀಜಿ, ದೇವಂತಗಿಯ ರೇಣುಕಾ ಶಿವಾಚಾರ್ಯರು, ಮುಖಂಡ ಸುರೇಶ ಸಜ್ಜನ, ಗಜಾನಂದ ಕುಂಬಾರ, ಶ್ರೀಶೈಲ ದೇವಂತಗಿ ಮಾತನಾಡಿದರು. .ಭೂಸನೂರು ಬಸವಲಿಂಗ ಸ್ವಾಮೀಜಿ ಸಾನ್ನಿಧ್ಯ ವಹಿಸಿದ್ದರು. ಬೆಳಮಗಿಯ ಅಮರಜ್ಯೋತಿ ಬಂತೇಜಿ,…